Qayamat ki tapish hai

qayamat ki tapish hai karbala ka dasht jalta hai

madine ka musafir khaakh par karwat badalta hai

---

kahan hai hazrate ayyub dekhe sabr ke johar

jawan beta hai godhi may pidar ki dam nikalta hai

---

qayamat ki tapish hai...

---

kaha sheh ne yeh baano se ke khaime may chali jao

ali asghar ka manka dhal chuka ab dam nikalta hai

---

qayamat ki tapish hai...

---

layeeno sayyade sajjad par kode na barsao

bahut beemar hai is waaste ruk ruk kay chalta hai

---

qayamat ki tapish hai...

---

yeh poocha karte thay tifli may akbar sheh se kyon baba

jawani may jo maut aaye to dam kyon-kar nikalta hai

---

qayamat ki tapish hai...

---

zara utkar lahad se dekh lijay ya rasool allah

janaze par janaza aap ke ghar se nikalta hai

---

qayamat ki tapish hai...

qayamat ki tapish hai karbala ka dasht jalta hai

madine ka musafir khaakh par karwat badalta hai

qayamat ki tapish hai...