..ooncha rahe apna alam
jab tak hai doure aasmaa'n sunle ye har peero jawa'n
awaaz par shabbir ki badhta rahe ye kaarwa'n
har qalb par chalte chalo duniya ko batlaate chalo
ek ek mohaze zulm ki tasveer dikhlate chalo
har dil me bhardo sheh ka gham
jab bhi koi mushkil padi duniya isi dar par jhuki
seenou se balkha kar idhar uthi sada e ya ali
nikla udhar batil ka dam
ye parchame abbas hai toote dilou ki aas hai
ab tak isi parcham tale zinda kisi ki pyas hai
jis ne sahe lakho sitam
abbas hai naame wafa aghaaze ajaame wafa
muh mod kar darya se jo peeta raha jaame wafa
hote rahe baazu qalam
zinda hai halmin ki sada mit'ta nahi khoo'n ka likha
shabbir ke haq ki qasam ek mojiza hai karbala
ye silsila hoga na kam
jab karbala yaad ayegi insaniyat sharmaayegi
mazloom ki awaaz hai dil me utarti jayegi
palthenge phir behke qadam
aye noujawanane aza tum ho kisi dil ki dua
taa hashr uth'ti hi rahe seenou se matam ki sada
qayam rahe akbar ka gham