moula ko pehchaan moula ko pehchaan
ali hai awwal ali aqir jaan are naadaan
moula ko pehchaan
ishqe ali me manzil manzil daar pe jaana padta hai
sar ko kataana padta hai ghar baar lutana padta hai
dekh ke meesum ki himmat ko dunya hai hairaan
zarra zarra patta patta moula moula karta hai
dar pe ali ke aake sitaara shaan se sajda karta hai
padhte hai moula ka qaseeda loo loo o marjaan
paakeeza wo log hai jo moula se mohabbat karte hai
qoul e nabi hai wo hai najas jo in se adaawat karte hai
hubbe ali se hojati hai naslou ki pehchaan
tera rajjab ko agaye moula qaana e kaaba shaad hua
rabbe nusairi ke aane se rab ka ghar aabad hua
kehti hai deewaare haram ki sab se ye muskaan
baqqim baqqim kehta hai par utra hua kyu chehra hai
aisa lagta hai ke jaise andar se dil toota hai
qoon hue hai shayad tere dil ke sab armaan
dunya ke ye saare tawangar asl me kangaal miya
khate hai jo loot ke har dam haq daarou ka maal miya
sirf ali ke dar ka bhikaari hota hai dhanwaan
yaha ali hai waha ali hai jaha'n bhi dekho ali ali
sab ne kaha ke mere yaha'n the mere yaha'n the abhi abhi
ek waqt me ali hue chalees ghar mehmaan