mehshar hai ayaa'n musie kazim ne qaza ki, afsos sad afsos
zinda'n me rahe umr aseeri me hi guzri, afsos sad afsos
mayyat ko rakha aapki baghdaad ke pul par, kaise the sitamgar
aada ne ye tazleel ki tadbeer nikaali, afsos sad afsos
jis haal me tha zere sama'n aapka lasha, ae syedo aaqa
is tarah falak ne koi mayyat nahi dekhi, afsos sad afsos
taa umr rakha qaid me aulaade ali ko, ahmad ke wasi ko
jab margaye to paao se zanjeer nikaali, afsos sad afsos
sajjad ko di qaid me aada ne jo zehmat, kya kam thi wo aafat
zindaan me pote ne museebat ye uthaai, afsos sad afsos