KATE ABBAS KE SHANE SARON SE CHHIN GAYE CHADAR
SADA DETI HAI ZAINAB KARBALA KE DASHT MEIN RO KAR
Gira ghode se Ghazi gurz kha kar jab sar-e-maidaa’n
Huwa khaimon mein aulaad-e-payamber ke bapa mehshar
Badan teghon se chalni hai lahu zaqmon se jari hai
Tadapta hai Alamdar-e-Hussaini garm reti par
Gire jab muh ke bal Abbas Zehra ki sada aaye
Aare ay zalimon zaqmi bahot hai ye mera dilbar
Sar-e-Sahil tadapti reh gaye lashe Jari haye
Chala Shabbir ke sukhe gale par jis ghadi khanjar
Jalaye jate hain khaime khabar leta nahi koi
Alamdar-e-Jari kya so rahe ho naher pe ja kar
Hamhein qaidi bana kar sham ko le jate hai aada
Kahan tak Syed-e-Sajjad khechen zulm ka langar
Aseerane haram jab sham ke bazaar se guzre
Ghazab hai Zainab-o-Kulsoom ke sar par nahi chadar
Fughan saidaniyan karti hain sar ko peet kar apne
Dilasa deti jati hain jar ek ko Zainab-e-Muztar
Sar-e-Darbar pohunche aye Sohail Ahle Haram jisdam
Ali ki betiyan thi’n bazme hakim mein jhukaye sar