Hai ahle haram me shore buka sheh laate hai lasha asghar ka
kehti hai ye ro ro kar fizza sheh laate hai lasha asghar ka
jab teere sitam gardan pe laga wo phool sa bacha nehr hua
baacchoo'n me hai saara khoon jama sheh laate hai lasha asghar ka
nazdeek koi juz yaas nahi humdard koi bhi paas nahi
hai qaak basar maqtak ki fiza sheh laate hai lasha asghar ka
lashe pe nazar farmaate hai chalte hai kabhi ruk jaate hai
aata hai tasawwur banu ka sheh laate hai lasha asghar ka
jo wazn me tha asghar se siwa, wo teer jo tha asghar se bada
Us teer se hai hulqoom chida sheh laate hai lasha asghar ka
nanha sa hai kurta qoon me tar aur sookhi zaba'n hai hoto'n par
gardan hai chidi manka hai dhala sheh laate hai lasha asghar ka
pehle hi musibat ki thi ghadi aur us pe qayamat ye guzri
khat aaya hai 'razvi' soughra ka sheh laate hai lasha asghar ka