Dil thaam ke ye kubra ne kaha kyu mujh ko akela chord chale
Batlaao mujhe qasim dulha kyu mujh ko akela chord chale
mu mod ke tum ko jaana tha gar chord ke mujh ko jaana tha
kyu haath mera thaama tha bhala kyu mujh ko akela chord chale
raas aayi na bachpan ki shaadi dekho to meri ye barbaadi
kis jurm ki paayi maine saza kyu mujh ko akela chord chale
shaadi thi meri kya qoob rachi sab mujh ko dulhan kehte the abhi
Aur kehte hai ab mujhko bewa kyu mujh ko akela chord chale
chup kis lie ho bolo qasim baazu se rasan kholo qasim
Hoti hai bohot mujhko eeza kyu mujh ko akela chord chale
ab koun kare imdaad meri ab koun sune faryaad meri
Koi bhi nahi sunne waala kyu mujh ko akela chord chale
manzar tha qayamat ka wo 'nazar' phat'ta tha har ek ka gham se jigar
Ro ro ke jo kehti thi kubra kyu mujh ko akela chord chale