Akbar hai karbala me teri aaqri azaa'n
rone lagi zameen ye rota hai aasmaa'n
Ashoor ka ye waqt hai kohraam hai bapa
sunkar teri azaan ko roti hai syeda
tooti kamar ko thaam ke sheh karte hai bayaa'n
Naize ki nok seene me paiwast hoyegi
zainab udaake khaak ko jee bhar ke royegi
rukti nahi hai duqtare sarwar ki hichkiyaa'n
Aayi hai jo madine se Ahmad ki sawari
rote hai nabi sunke jo ek maa ki duhayi
tum par nabi ka dil hua qurbaan meri jaa'n
Hum shakle mustafa ho tum sughra ka chain ho aur karbala me jaane shahe mashraqain ho
sar peet ti hai qaime me roti hai teri maa
labbaik keh rahe hain farishte azaan par
kaisi udaasi chaayi hai wo aasmaan par
waqte saher ye kehta hai besheer o bezabaa'n
Akbar akela mujhko nahi chord jao tum
milwau'n sakina se tumhe paas aao tum
behosh ho chuki hai wo ro ro ke meri jaa'n
Akbar ye nouha ibnee ali karte hain buka
Afsar sunao kya mai jafaou'n ka silsila
karti hai yaad bhai ko sughra ki duriyaa'n