Zehra ke laal qalbe Mohammed ke chain ka, Parwardigar baqshde sadqa Hussain ka.
Mitti se at' gaye hai sharafat ke aayine, Badhne lage hai kufr se imaa'n ke raste, Mujrim hai is zamane ke munsif bane hue...
Zehra ke laal......
Taleem Ahlebaite Nabuwat se dur hai, Tehzeeb se phire hai sharafat se dur hai, Bachhe hamare ilm ki daulat se dur hai...
Zehra ke laal.....
Hai fikr mand baap paresha'n ghareeb maa, Daulat ki chal rahi hai har ek simt andhiya'n, Ruqsat ho kis tarah se ghareebou ki betiyaa'n.
Zehra ke laal.....
Milta nahi hai qoum ke bacchou ko rozgaar, Pal me udaas hote hai aur pal me beqarar, Yeh noujawan hai tere Akber ke soghwar.
Zehra ke laal.....
Un bewatan jidhar bhi gaye is jahan me, Majbooriyou ki dhoop mili saibaan me, Guzregi kaise umr paraye makaan me.
Zehra ke laal.....
Surat liye hai koofe ki duniya ke aaine, Badhte hi jarahe hai baghawat ke silsile, Larza'n hai jism apne hi saaye ke qouf se.
Zehra ke laal.....
Hai saqt dhoop chain ka saaya naseeb ho, Mashad o Kazemain ka saaya naseeb ho, Ta der waledain ka saaya naseeb ho.
Zehra ke laal.....
Qali hai haath farshe aza kis tarah bichaye, Abbase namwar ka alam kis tarah sajayei, Phatke kaha se laye pharira kaha se laye.
Zehra ke laal.....
Mujhse na dur ho kabhi rehmat ka silsila, Soone ho jinke ghar une aulaad kar ata, Har ashaqe Hussain ki maqbool ho dua.
Zehra ke laal.....
Rizqe halaal ke liye aye Rabbe Zuljalal, Yaane paraye des mei jin mao ke hai laal, Palte watan ko jald woh sab hoke malamaal.
Zehra ke laal.....
Sehra me kho chuke hai sadao ki bheek de, Hum sab ke bhaiyou ko wafaou ki bheek de, Behne hai sar barehna ridaou ki bheek de.
Zehra ke laal.....
Ghairou se arze haal ki fursat nahi mujhe, Aghiyar ke karam ki zarurat nahi mujhe, Dar dar bhatakte rehne ki adat nahi mujhe.
Zehra ke laal.....
Peshe nigahe Sheh se aqidat ki baat hai, Kuch apne aitebare mohabbat ki baat hai, Ghairou ke dar pe jaye'n yeh ghairat ki baat hai.
Zehra ke laal.....
Tu la sharik Teri atayei'n hai bemisaal, Zaahir hai teri zaat pe 'Amir' ke dil ka haal, Hai teri bargah me haazir tera bilaal.
Zehra ke laal qalbe Mohammed ke chain ka, Parwardigar baqshde sadqa Hussain ka