abbas kate haato ka aejaz dikhaado
din mere(sabke) palatdo meri(sabki) taqdeer banaado
mai bekaso majboor hu naachaar hu aaqa
muflis hu tahe dast hu naadaar hu aaqa
aalam o masaaeb me giraftaar hu aaqa
is waaste nusrat ka talabgaar hu aaqa
mushkil me ghareebo ke madadgaar tumhi ho
har bekaso beyaar ke ghamqaar tumhi ho
farzande yadullah ho muqtaar tumhi ho
fouje shahe bekas ke alamdar tumhi ho
allah ne baqsha hai tumhe rutbae aali
mohtaaj ke daata ho to bekas ke ho waali
tum baabul hawaaij ho zamaana hai sawaali
mai bhi hu gada aur hai daaman mera qaali
har simt se hai mujh pa museebat ki chadhaai
apne ghamo aalaam me qushiya'n hai paraai
har raahate dunya ne nazar mujh se phiraai
dil deta hai ro ro ke sakina ki dohaai
zinda'n me tadapti hui bachi ka tasadduq
binte shahe bekas ki yateemi ka tasadduq
tum jiske ho saqqa usi pyaasi ka tasadduq
ho mujh pe karam ab to bhateeji ka tasadduq
saqqaae haram shaame ghareeba'n ka tasadduq
be goro kafan shaahe shaheeda'n ka tasadduq
namoos ke gesue paresha'n ka tasadduq
syedanio ke chehra-e urya'n ka tasadduq
aye naasire dee'n sarware mazloom ka sadqa
aye haamie dee'n zainabo kulsoom ka sadqa
besheer ke sookhe hue hulqoom ka sadqa
sajjad ka aur baqare masoom ka sadqa
aaqa shahe mazloom ki touqeer ka sadqa
bechaardi-e zainabe dilgeer ka sadqa
darbaar me goonji hui taqreer ka sadqa
beemaar se lipti hui zanjeer ka sadqa
aaqa ye Riyaaz (ghulaam / kaneez) apna kise haal sunaaye
koun aisa hai toota hua dil jisko dikhaaye
apne bhi nazar aane lage ab to paraaye
hai koun tumhaare siwa bigdi jo banaaye