YA ALI KARBALA ME AAG LAGI
Ya Ali Karbala me aag lagi,
Qanaye Mustafa me aag lagi.
Jal rahi hai Rasool ki masnad,
Qalbe Qairunnisa me aag lagi.
Sar barehna hai dil jali Zainab,
Chadare Fatima me aag lagi.
Jal raha hai kisi ka pairahan,
Aur kisi ki rida me aag lagi.
Roke kehti hai Saniye Zehra,
Utho Abid aba me aag lagi.
Karbala se jo shaam me pohunche,
Qalbe Zainulleba me aag lagi.
Dekho aakar najaf se Ainullah,
Kaisi ye nainawa me aag lagi.
Yaad kar Fatima ka dar 'Hilmi',
Dekh ab Karbala me aag lagi...