Zainab pukaari rokar Abbas tum kahaan ho
Hothay hain qatl Sarwar, Abbas tum kahaan ho
Seenay pa zakhm khaakay naana ke paas pahoonchey
Hum soorath-e-Payambar, Abbas tum kahaan ho
Bhaayi akeilay mayyath betay ki laarahey hain
Deidoh sahaara aakar, Abbas tum kahaan ho
Veeraan karke jhoola Asghar gaye jinaan ko
Gardhan pa teer khaakar, Abbas tum kahaan ho
Asghar ki qabr Sarwar run mai banaa rahey hain
Chehrey pa khoon malkar, Abbas tum kahaan ho
Kya hogaya hai tumko kya hogayeen wafaaein
Tanhaa hai run mai Sarwar, Abbas tum kahaan ho
Awaaz-e-istighaasa goonji huvi hai run mai
Nusrath karo ab aakar, Abbas tum kahaan ho
Kooza liye Sakina hain muntazar tumhaari
Paani pilaadoh aakar, Abbas tum kahaan ho
Kya waqth aagaya hai khush ho rahey hain zaalim
Humko sathaa sathaakar, Abbas tum kahaan ho