Woh Waqt Yaqeenan AAayega
Maula...
Kabhi Aye Haqeeqat e Muntazar
Nazar Aa Libas e Majaz Mein Ke Hazaron Sajday Tarap Rahe
Hain Meri Jabeen e Niaz Main
Woh Waqt Yaqeenan Aayega, Woh Waqt Yaqeenan Aayega
Jab Hujjat e Daur Ke Hatho'n Mein
Ghazi Ka Alam Lehrayega
Woh Waqt Yaqeenan Aayega..(2)
Allahumma ajjil li waliyyi kal faraj(a.t.f.s.)
1. Jis Din Sajjad Ke Ashqo'n Ki
Tadaad Bataye Jayegi Aur un Ashqo'n Ke Badle Mein
Talwar Chalayi Jayegi
Us Sar Se Jism Juda Hoga..(2)
Talwar Se Jo Takrayega
Alam Lehrayega, Lehrayega
Woh Waqt Yaqeenan Aayega..(2)
Ya.. Mahdi!!
2. Har Ek Mazloom Ki Aas Hai Yeh
Hujjat Ka Shams Tuloo Hoga Phir Shaam Jigar Se Utregi
Sajjad Ka Khatam Ruku Hoga Phir Noor e Aman Yu Phelay Ga..(2)
Har Zulm Ko Rondha Jaayega
Alam Lehrayega, Lehrayega
Woh Waqt Yaqeenan Aayega..(2)
Allahumma ajjil li waliyyi kal faraj(a.t.f.s.)
3. Dadi Ka Haq Woh Maange ga
Apni Talwar Ke Sath Kabhi
Jo Haath Ridaein Loot-te Hai
Kat Jayenge Woh Haath Sabhi
Tatheer Ke Ghar Ki Surat Phir..(2)
Koi Ghar Na Loota Jaayega
Alam Lehrayega, Lehrayega
Woh Waqt Yaqeenan Aayega..(2)
4. Abad Baqaiyya Tha Jis Jaa
Woh Roza Kaise Toota Hai
Kis Kis Ne Yaha'n Kaise Kaise
Sadaat Ke Ghar Ko Loota Hai
Talwar Batati Jayegi..(2)
Woh Khoon Bahata Jaayega
Alam Lehrayega, Lehrayega
Woh Waqt Yaqeenan Aayega..(2)
5. Baaghi Ki Beti Jis Ne Bhi
Choti Bibi Ko Bola Tha
Namoos e Nabi Ko Raho'n Mein
Durro'n Se Jis Ne Maara Tha
Un Sab Ko Bana Kar Qaidi Wo..(2)
Bazaar e Shaam Mein Laayega
Alam Lehrayega, Lehrayega
Woh Waqt Yaqeenan Aayega..(2)
Ya.. Mahdi!!
6. Phir Ehlebait Madine Mein
Aabad Karenge Ghar Apna Aur Lenge Bani Hashim Mil Kar
Kuch Parde Daro'n Ka Badla
Abbas Ki Chup Bhi Tootegi..(2)
Besher Bhi Teigh Uthayega
Alam Lehrayega, Lehrayega
Woh Waqt Yaqeenan Aayega..(2)
7. Gohar Mulko'n Ki Sarhad Se
Insaa’n Taqseem Nahi Hoga
Haan Naam Nehad Mazahib Mein
Qura’n Taqseem Nahi Hoga
Woh Adil Saari Duniya Ko..(2)
Ek Adl Ka Sheher Banayega
Alam Lehrayega, Lehrayega
Woh Waqt Yaqeenan Aayega..(2)
Ya.. Mahdi!!
Allahumma ajjil li waliyyi kal faraj(a.t.f.s.)