SHOUR HAI YAHI BARPA QATL HOGAYE MOULA
1. Shour Hai Yahi Barpa Qatl Hogaye Moula.
Roorahaa Hai Sab Koofa Qatl Hogaye Moula.
2. Betiyaan Ye Kahti Hai Yunn Na Jaayiey Baba.
Karrahe Hain Sab Giriyaa Qatl Hogaye Moula.
3. Saare Shayhere Koofa May Gham Ki Hai Fiza Chaayie.
Har Taraf Hai Yeh Charcha Qatl Hogaye Moula.
4. Kya Sitam Kiya Moula Tumpe Ibne Mulijim Ne.
Kaanpi Masjid E Koofa Qatl Hogaye Moula.
5. Koun Ab Qabar Lega Bekason Ki Aye Baba.
Zulm Ye Huwa Kaisa Qatl Hogaye Moula.
6. Ab Janaza Uthta Hai Ghar Se Mere Moula Ka.
Hashr Sa Hai Ek Barpa Qatl Hoagye Moula.
7. Baanttha Tha Raaton Ko Rizq Jo Ghareebon May.
Koun Hai Ab Unn Sab Ka Qatl Hogaye Moula.
8. Haaye Shayhere Koofa May Chhagayi Fiza Gham Ki.
Chaar Sou Hai Sannata Qatl Hogaye Moula.
9. Zindagi May Ahmed Ko Murtuza Se Dhhaaras Thi.
Do Nabi Ko Sab Pursa Qatl Hogaye Moula.
10.Tegh Ibne Muljim Ne Sar Pejab Lagayii Hai.
Tha Lahoo May Sab Chehra Qatl Hogaye Moula.
11.Haaye Ahle Koofa May Tha Sohail Ek Mehshar.
Lab Pe Sab Ke Tha Nouha Qatl Hogaye Moula.
AZZ:- RAZA ALI SOHAIL