ROKE KHETI THI SAKINA MERE BABA HO KAHAN
QATL KAR-DALEGA MUJHKO YE ANDHERA ZINDAN
KAMSINE ME HI YATIMI KA MILA HAI SADMA
SHIMR NE MUJHKO TAMACHO SE DIYA HAI PURSA
KUCH TARAS KHAO YATIMA PE SUNO MERI FUGAN
APNE PYAR SE GHOUHAR MUJHE PHENAYE THE
BADI BE-DARDI SE ZALIM NE USSE CHIL-LIYE
ASHQ AANKHO SE HAI AUR KHOON HAI KAANO SE RAWA
RATH DIN QAID ME IS TARHA BASAR HOTE HAI
YAAD ME APKI SAB AHLE HARAM ROTE HAI
SHIDDAT-E-GHAM SE NIGAHON ME BHI CHAYA HAI DHUWAN
DARBADAR HUMKO PHIRAYA HAIN JAFA-KAARON NE
EK HI RASSI ME BANDHA THA SITAMGARON NE
SABKE BAZU PE HAI AUR MERE GALE PAR HAI NASHAN
MUJHKO TADPATA HAI RHE-RHE KE WO CHERA USKA
MAI JHULATI THI BADE PYAR SE JHULA USKA
LE-CHALO MUJHKO WAHAN PAR MERA ASGHAR HAI KAHAN
AB THO LAGTA HAI WATAN KO BHI NA JA PAUNGI
QAID KHANE ME HI GHUT GHUT KE MAI MARJAUNGI
MERA MADFAN YAHI BANJAEGA TARIQ MAKAAN
GHAM KE SAGAR ME HAI GHERAYI AYE JAVED ITNI
ZINDAGI BHAR KOI INSAN KARE KOSHISH JITNI
GHAIR MUMKIN HAI RAQAM KARNA SAKINA KA BAYAAN