qaid se chut ke aayi hai zainab
sadme dil par uthaayi hai zainab
qabr shah ki banaayi hai zainab
kuch yathimou ko laayi hai zainab
kehti hai roke lo qabar bhaai
qatm ab hogaya safar bhaai
main hu zainab falak satayi hu
tumse milne yahaan mai aayi hu aur lute qaafele ko laayi hu
bhaai kya kya sitam uthaayi hu
shaam tak nange sar gayi zainab kyu na pahle hi mar gayi zainab
uth ke dekho to ek nazar bhaai
tukde sadmou se hai jigar bhaai
hogaya hai sufaid sar bhaai
jhuk gayi hai meri kamar bhaai
waada poora mai kar ke aayi hu
pusht par taaziyaane khaayi hu
saare kunbe ko saath laayi thi
mehnatou se ye ghar basaayi thi
mai ne doulat ye maa se paayi thi
hogayi dafn jo kamaayi thi
ab ho kyu kar meri basar bhaai
haaye kis mu se jaau ghar bhaai
ab na uth ke yahaa se jaaungi
qabr baalou se apne jhaadungi
phool har subha mai chadhaaungi
shama raatou ko mai jalaaungi
yu hi ho jaayegi basar bhaai
kya kare jeeke nouha gar bhaai
gar koi pooche kis ki jaayi hai
qabr kis ki ye tu banaayi hai
mujh ko qismat kahungi laayi hai
mai bahan hu ye mera bhaai hai
the nabi ke ye maan-ne waale aur musalmaa'n the maarne waale
kya bataaun shaheed ki haalat
tan tha zaqmi thi dhoop ki shiddat aur namaazi pa pyaas ki shiddat
sar uthaane ki bhi na di mohlat
dafn is jaa hai naamhar bhaai
de diya raah-e- haq me sar bhaai
thi muqaddar me mere ruswaayi kyu na darbaar hi me mout aayi
pesh-e-haakim gayi ye dukh paayi
ghussa aaya tha pee gayi bhaai
jo huwe zulm seh gayi zainab
sab ke rone ko reh gayi zainab
Kya batau jo guzre ranj o mehan
Baazuo'n me mere bandhi thi rasan
The tamashaai saare mard o zan
Lut gayi lut gayi mai shaahe zaman
Phiri bazaare sham me zainab
Gayi darbaare aam me zainab
Mujh se bar gishta thi meri taqdeer
Qoob ki meri izzat o touqeer
Sar se chadar chini huwi tash'heer
Phiri bazar me mai hoke aseer
Aur bhi kuch sunaau kya bhai
Apne baazu dikhaau kya bhai
Jab kiya hamko daaqile zindaa'n
Naam ko bhi na roushni thi wahaa'n
Roke kehti thi ye sakeena jaa'n
Yaa se lekar chalo phupi amma
Mujh se bardaasht ho nahi sakti
Mai andhere me so nahi sakti
Maarte the tamache baani e shar
Kaan se us ke cheen kar gouhar
Ho gaya tha lahu me kurta tar
Kya kahu ab ke phat raha hai jigar
Shimr ki khaa ke seliya bhaai
Margayi teri neem jaa'n bhaai