Moula ke dar pe hoke pareshan aaye hai, Aafat rasida dukh zada hairaan aaye hai.
Shabbar ka wasta tumhe Shabbir ki qasam, Jaldi madad karo ke pareshan aaye hai.
Mushkil kushayi kijiye mushkil kusha hai aap, Maqsad ko apne lene ko is aan aaye hai.
Moula mohib hai apke jldi madad karo, Keeje ata sukoon pareshan aaye hai.
Ab dastagiri kijiye ya Shahe bekasa'n, Umeed war besaro samaan aaye hai.
Maqsad ko apne leke hi dar se uthenge hum, Hasrat liye hue hai pur armaan aaye hai.
Jo hum pe guzri aaj sunana hai apko, Qismat ka leke haath me diwaan aaye hai.
Ranjo alam ko dur karo jald Ya Ali, Apne ko karne ap pe qurbaan aaye hai..