Kullona Fidaka Ya Hussain
Kullona Fidaka Ya Hussain
Matami Ye Dete Hai'n Sada
Kullona Fidaka Ya Hussain
1)
Laakh Fatwe Aaye Tere Gham Aye Shah e Zamaa'ñ Par Koi Na Rok Paaya Ye Azaayi Kaarwaa'ñ
Hoga Zikr Hashr Tak Tera
Kullona Fidaka Ya Hussain
2)
Nainawa ke Dasht Me Lutaya Tune Sara Ghar
Teen Din Ki Pyaas Me Wo Sabr Tera Dekh Kar
Keh Rahe The Saare Ambia
Kullona Fidaka Ya Hussain
3)
Pohnche Jab Habeeb Aur Muslim Ibne Ausaja
Nasirou Me Hur Ke Saath Ibne Hur Bhi Aagaya
Milke Sab ne Dasht Me Kaha
Kullona Fidaka Ya Hussain
4)
Tha Sina ki Nouk Par Hussain ka Bureeda Sar
Aayatou Ka Wird Jaari Tha Magar Zubaan par
Aayate'n Ye Deti Thi'n Sada
Kullona Fidaka Ya Hussain
5)
Wada e Azal Har ek Saans Me Nibhayenge
Jaan Jab Talak Hai Ghazi Ka Alam Uthayenge
Hai Yahi Taqaza e Wafa
Kullona Fidaka Ya Hussain
6)
Jab Zahoor Hoga Dehr Me Imam e Waqt Ka
Zulfiqaar Se wo Lenge Intekhaam e Karbala
Hoga Shor Bas Ye JaBaJaa
Kullona Fidaka Ya Hussain
7).
Haq Hai Ye Kamaal Hashr Tak Rahega ye Safar
Ghamgusaar Gham Manayenge ye Kehke Umr Bhar
Milti Hai Dua e Fatema
Kullona Fidaka Ya Hussain