KAISA SITAM NABI KE GHARANE PA HOGAYA
WO BEKAJAWA OONTH WO PYASAON KA QAFILA, WO SABR AUR WO ZAINAB-E-MUZTAR KA HAUSLA, ELHE HARAM PA ZULM YEH THE BAADEY KARBALA, KAISA SITAM NABI KE GHARANE PA HOGAYA
THE BAZUAON MEIN ZAINAB-O-KULSOOM KE RASAN, LASHEY THE SAB SHAHEDAON KE MAQTAL MEIN BE KAFAN, THI FATIMA KI BETIYAAN BALWE MEIN BE RIDA
KAISA SITAM NABI KE GHARANE PA HOGAYA
ZAKHMI BADAN SHAHEEDAON KE THE RAIGEY GARM PAR, AUR QAFILEY MEIN NAUKEY SINAAN PAR THE UNKE SAR, TADPA RAHA THA SAB KO YEH MANZAR LAHOO BHARA, KAISA SITAM NABI KE GHARANE PA HOGAYA
BALWEY MEIN BE RIDA THI NABI KI NAWASIYAAN, BALAON SE APNE MU KO CHUPATI THI BIBIYAAN, AUR HAR TARAF HUJOOM TAMASHAIYAON KA THA, KAISA SITAM NABI KE GHARANE PA HOGAYA
GARDAN KO ZAKHMI KARTI RAHI TAUQ –E-QAARDAAR, SAJJAD KE LABAON PA RAHA SHUKR-E-KIRDIGAAR, THAME MEHAR OONTAON KI BIMAAR-E-KARBALA, KAISA SITAM NABI KE GHARANE PA HOGAYA
KAISE QALAM LIKHEY GA SAKINA KA THA JO HAAL, KANOU SE KHOON BEHTA THA SUJHEY HUVE THE GAAL, HAR BIBI ROKE DETI THI ABBAS KO SADA, KAISA SITAM NABI KE GHARANE PA HOGAYA
GARDAN SAKINA BIBI KI RASSI MEIN THI BANDHI, WO KAMSINI WO ZAKHM YATEEMI WO TISHNAGI, FARIYAAD KYA KAREGI GALA HAI BANDHA HUVA, KAISA SITAM NABI KE GHARANE PA HOGAYA
DIL MEIN SHAMA QASIM-E-MUZTAR KE NAAM KI, ASHK-E-AZAYE SHAH SE HAI AANKHAON MEIN ROUSHNI, DETI HAI SUBHA SHAAM HAME FATIMA DUWA, KAISA SITAM NABI KE GHARANE PA HOGAYA
KARTA HAI RASHEED SHAHEEDI YEH ILTEJA, NAUHA QUBOOL KIJIYE YA SHAH-E-KARBALA, ROTA HAI GHAM MEIN AAP KE KHADIM YEH AAPKA, KAISA SITAM NABI KE GHARANE PA HOGAYA..