BAZM SHAADI KI HAI HOTA HAI YE KAISA MATAM
KARTE HAI AHLE AZA AAJ YE KIS KA MATAM
NEK LENE BHI NA PAYI KE MUJHE CHHOD GAYE, KARTI HAI BHAI KA YEH KEHKE SAKINA MATAM
DETI HAI ZAINAB-O-KULSOOM TASALLI UNKO, CHAND SE BETE KA KARTI HAI JO FARWA MATAM
HAYE DULHAN KO BHI RANDSALA PINHATE HAI KAHIN , KEHKE YE KARTI HAI QUD FATIMA KUBRA MATAM
NA HI PAZEYB HI PEHNE GI NA KANGAN KUBRA, AB RASAN BASTA DULHAN KO TOH HAI KARNA MATAM
KOI HAMSIN NAHI WOH KISKO SUNAYE RUDAD, CHAND LAMHO KI DULHAN KARTI HAI TANHA MATAM
JAMA KARTE HUE QASIM KE BADAN KE TUKDE, KARTE HAIN SHAHE HUDA IBNE HASAN KA MATAM
KAASH SUGHRA YAHAN HOTI TOH TASALLI DETI, YAAD AATI HAI BAHEN KARTI HAI KUBRA MATAM
KYON NA PARWANA-E-QASIM BHI HO AB GIRYA KUNAA, KARTI HAIN QASIM-E-NAUSHAH KA ZEHRA MATAM
JEETE JI GHODON KI TAPAON SE JO PAMAAL HUA , HAI ZAMANE MEIN RASHEED AAJ USI KA MATAM..