Jawaan bete ka laasha uthake laaye Hussain
na jaane kaise zayeefi me dukh uthaaye hussain
Jawaan bete ka laasha uthake laaye Hussain
1) Sadaye Aaqri sunkar Hussain run ko chale
Gire kabhi kabhi, uthkar Hussain run ko chale
Sarhane baith ke , zaanu pa sar uthaye Hussain
Jawaan bete ka laasha uthake laaye Hussain......
2) Pidar ke aane ki aahat suni jo Akbar ne
Tadap ke rehgaye aur Aah ki na Akbar ne
Pisar ko dekhke , kya zakhm dil pa khaye Hussain
Jawaan bete ka laasha uthake laaye Hussain......
3) Pidar yeh aaya hai kuch tou kaho Ali Akbar
Yeh haath seene pa kyu'n rakhe ho Ali Akbar
Utho ke seene se, apne tumhe lagaye Hussain
Jawaan bete ka laasha uthake laaye Hussain......
4) Nikaali shaah ne kehkar jo ya Ali barchi
Pidar ke aage pisar ne li Aaqri hichki
Uthaye naaz the laashe ko ab uthaye Hussain
Jawaan bete ka laasha uthake laaye Hussain......
5) Qareeb e lashaye Akbar jo aagayi zainab
Pisar ke qoone jigar me naha gayi zainab
Bahen ne kaise tere housle badhaye Hussain
Jawaan bete ka laasha uthake laaye Hussain......
6) Jo laayi Qaime me sarwar ne laash Akbar ki
Tha hashr Bibiyo me aur ghash hui Maa bhi
Na jaane Quvvat e dil kaise Aazmaye Hussain
Jawaan bete ka laasha uthake laaye Hussain......
7) Thi baade karbobala Maa ki yun basar HYDER
Azaan jab bhi suni yaad agaye Akbar
Yeh sadme zainabe muztar ne bhi uthaye Hussain