sada ye bhai ko dete the hazrate shabbir
gale ko ched ke nikla jo teen bhaal ka teer
tadap ke reh gaya bachha hussain hogaya tanha
mai apne chaand se dilbar ko dafn karta hu
madad ko aao ke hazrat ke dafn karta hu
kaha'n ho ayr mere bhaiyya hussain hogaya tanha
tumhi ne auno mohammad ka mujhko pursa diya
uthaya sath me qasim ka qoo'n bhara laasha
ab aake dedo sahara hussain hogaya tanha
jawaan bete ki mayyat uthaa ke le aaya
mai us ke seene se seena laga ke le aaya
jawaan margaya mera hussain hogaya tanha
faras pe waris e badro hunain jhoomte hai
lagaao barchiya bhaale hussain jhoomte hai
ye has ke kehte the aada hussain hogaya tanha
koi hussain ko teer o tabar lagata hai
koi hussain ki ghurbat pe hasta jaata hai
koi hussain ko had se siwa rulata hai
koi hussain ko pathhar lagaate jata hai
koi hussain ke laashe ko khainch laata hai
lagaaya koi tamacha hussain hogaya tanha
tadapke zainab o kulsoom ba deeda e nam
hussain bole ke ab marne jaa rahe hai ham
nahi hai koi sahara hussain hogaya tanha