ZEHRA SE KEHDO AUN-O-MOHAMMED KO LAYIYE
Zehra se kehdo Aun-o-Mohammed ko layiye, Bachhon ko maa ke lashe ki surat dikhayiye
Ya Fatima duhayi hai ab jald aaiye, Zainab shaheed hogayi lasha uthaiye, Abid hai qaid ap hi madfan banaiye, Marqad me apni beti ki maiyyat litaaiye
Zehra se kehdo..
Bachon ko..
Mazlome karbala ki behen qatl hogayi, Seh seh ke lakho'n ranjo mehan qatl hogyi, Be jurm thi aseere rasan qatl hogayi, Durron se sara neela tha tan qatl hogayi
Zehra se kehdo..
Bacchon ko maa..
Sajjad qaid me hai chudata nahi koi, Ummat se haye purse ko aata nahi koi, Binte Ali ki hazri laata nahi koi, Sab ek taraf hai qabr banata nahi koi
Zehra se kehdo..
Bacchon ko maa..