THA SHAAM KE ZINDAAN MEIN ABID KA YE NOUHA MAZLOOM SAKINA, YOON CHOODKE BHAYI KO NA JAYO MERI BEHNA MAZLOOM SAKINA
KIS DARJA MUZALIM HUE TUJH PAR MERI QWAHAR SHABBIR KI DUKHTAR, KHUD SABR KIYA TUNE DIYA MUJHKO SAHARA MAZLOOM SAKINA
DURRE BHI LAGE PYAASI RAHI KHAYE TAMACHE RUQSAR HAIN NEELE, GARDAN KA TERI ZAKHM BHI TAZA HAI SAKINA MAZLOOM SAKINA
MAIN KIS SE KAHOON KUCH BHI SUJHAYI NAHI DETA HARSO HAIN ANDHERA, ZINDAAN KE ANDHERE MAIN HAI AB QABR BANANA MAZLOOM SAKINA
KURTA TERA ZAKHMOU SE JUDA HI NAHI HOTA KAISA YE SITAM THA, AB HOGA KAFAN TERA YEHI KHOO BHARA KURTA MAZLOOM SAKINA
MAI THANDI JAGA DAFN KO AB LAOO KAHA SE HAI ZULM KE PEHRE, TAKMIL WASIYAT KI KARU KAISAY MAINBEHNA MAZLOOM SAKINA
TAFSEEL SE BABA KO YE SAB HAAL SUNANA HAR ZAKHM DIKHANA, MAJBOOR BIRADAR KI SHIKAYAT NAHI KARNA MAZLOOM SAKINA, IS QAID SITAM MAIN TUJHE DAFNA TA HAI BHAI SHARMINDA HAI BHAI, ALLAH TERA HAFIZ O NASIR HAI SAKINA MAZLOOM SAKINA
ARMAAN THA WATAN JANE KA AYEDUKH ZADA BIBI YE KISKO QABAR THI, YE SHAAM KA ZINDAAN HI TERA HOGA THIKANA MAZLOOM SAKINA
DEKHI NA RASHEED AISIKISI NE KAHI GHURBAT ALLAH RE MUSIBAT, MAA SAMNE HAI HOTI HAI AB DAFN SAKINA MAZLOOM SAKINA..