TUKDE HOGAYA DULHA RAN SE LAASH AYEE HAI
KARBALA MEIN HAI DEKHO EHTEMAAM SHAADI KA, KUCH AJAB NIRALA HAI INTEZAAM SHAADI KA, MAUT KE DAHANE PAR HAI MAQAAM SHAADI KA, KHOON MEIN BHARI CHADAR KHAAK PAR BICHAYEE HAI, TUKDE HOGAYA DULHA RAN SE LAASH AYEE HAI
HAYE QASIM-E-NAUSHAH RAN MEIN BESIPAR AAYE, FAUJ-E-SHAAM SE LADNE LEKE DIL JIGAR AAYE, TAN PE TEER BHI AYE SAR PE BHI TABAR AAYE, KHURB-E-SAHILE DARIYA KHOON KI TARAYI HAI, TUKDE HOGAYA DULHA RAN SE LAASH AYEE HAI
KHUSK NELE HOTON PAR SISKIYAN MACHALTI HAIN, HICHKIYAN BHI SEENE MEIN KARWATEN BADALTI HAIN, KHAAK UDATI KHAIMON SE BIBIYAN NIKALTI HAIN, BADNASEEB KUBRA KO YE QHABAR SUNAYI HAIN, TUKDE HOGAYA DULHA RAN SE LAASH AYEE HAI
BADNASEEB KUBRA KI HAYE MAANG KYA UJDI, KARBALA MEIN DUNIYA HI LUT KE REHGAYI SAARI, BEKASI KE AALAM MEIN SAANS BHI CHALI RUKHTI, EK QHAYAMAT E KUBRA KARBALA PE CHAHYI HAIN, TUKDE HOGAYA DULHA RAN SE LAASH AYEE HAI
GULBADAN KE HAATON MEIN HAYE KYA LAGI MEHENDI, RANG-E-GUL NIKHARTE HI TAYGH KI GIRI BIJLI, KHAAK MEIN MILA SEHRA KHATM HOGAYI SHAADI, KARBALA MEIN BUS TARMEEM YE KHABAR SUNAYI HAIN, TUKDE HOGAYA DULHA RAN SE LAASH AYEE HAI