Soja asghar jaani soja
Ghar me nahi hai paani soja
qasim bhi parlok sidhaare, auno mohammed bhi gaye maare
sogaye jaake nadiya kanaare, aaya na ab tak paani soja
bhai ne tere bhaale khaaye, tere chacha ne haath kataaye
mashke sakina chid gayi beta, beh gaya saara paani soja
teen dino ka tu hai bhooka, teen dino ka tu hai pyaasa
kumbhla gaya hai mukhda tera, sookh gaya hai paani soja
nadiya kanaare shatru ki sena, hukm hai koi paani na lena
paani ke badle khoon bahaa par, laaya na koi paani soja
maata pita ki ankhio ke taare, phoot hai ab bhaag hamaare
karbal ban me gham ke maare, doodh hai aur na paani soja
apni ye biphta kis ko sunaau, teri ye haalath kisko dikhaau
haaye kaha'n se paani mai laau, laau kaha'n se paani soja