Soghra ke kaleijay par barchi si lagi hogi
Tasveer jo kunbey ki aankhoun main phiri hogi
Alfaaz nahin milthay, kis tarha bathaye hum
Abbas pe kya guzree, jab mashk chidi hogi
Abbas bacha lena, durroun sey Sakina ko
Sajjad ke paaoun mein, zanjeer bandhi hogi
Abbas ka laasha bhi, beychaen huva hoga
Jab Saaniyeh Zehra ki, chaadar bhi chini hogi
Dekha hai Sakina ney phir, khwaab main Baba ko
Kya haal huva hoga, jab aankh khuli hogi
Asghar ke lab-e-tashna, aankhoun main phirey hongay
Zindaan main Sakina ko, jab pyaas lagi hogi
Lo aakhri pursa hai, ashkoun sey isey bhar doh
Rumaal liye Zehra, beychaen khadi hogi
Ashkoun sey bhari aankhen, zakhmoun sey bhara seena
Mehshar main Nawaaz apni, pehchaan yehi hogi