ran se aajaiye ab ham ko bachaane baba
shimr aata hai idhar qaime jalaane baba
haye baba mere baba haye baba mere baba
shiddat e pyaas se bimaar nazar aati hu'n
do qadam chalna jo padhta hai to girjaati hu'n
haddiya'n sookh gayi ho meri jaise baba
waqt se pehle hi duniya se guzarjau'n mai
ye dua karti hun khaliq se ke marjau'n mai
jeene dete nahi ab shimr ke durre baba
haal par mere taras kyu'n nahi khaata koi kyu'n nahi mujhko laeenau'n se bachaata koi
kounsi aisi khata hogayi mujhse baba
goshware jo mujhe aap ne pehnaye the
chheen kar legaye ashraar mere kaanau se aur maare hai'n layeenau'n ne tamache baba
ba khuda dhoop ki shiddat se bacha kar rakhti
be kafan laash na mai aapki rehne deti
meri chadar jo sitamgaar na lete baba
sunne waale meri pardes me faryaad nahi
aisa lagta hai koi sahib e aulaad nahi
jo mazalim se layeeno'n ke bachaye baba
jab se gardan me sitamgar ne rasan baandhi hai
saans lena bhi mere waaste dushwaari hai
kistarha zinda hu'n batlau'n mai kaise baba
zindagani ke bas ayyaam gina karti hai
baap ko rote huwe khaak pa sojaati hai
jisko seene pa sulaate the tum apne baba
yak ba yak jaise chhuri qalb pe chal jaati hai
ba khuda yaad madine ki bohat aati hai
dekh kar shaam o saher udhte parinde baba
sonch kar qalb o jigar hota hai tukde tukde
kaise tabish koi dukhiya ki musibat likhe
arsh hiljaata hai wo jab kehti tadap ke baba