moula ali ke gham me ye duniya hai sogwaar
saare ghulaam kehte hai'n roro ke baar baar
matam ke daagh seenou pe ankhou me ashk hai'n
zehra ko pursa dene ko aaye hain azadaar
kehta hai aasmaan bhi hyder huwe shaheed
baitush-sharaf ka chhin gaya sabro suku'n qaraar
aulaad saari kehti hai tanha huwe hai'n hum
baba kise kahenge ham kisko karenge pyaar
sar shaq hua hai jabse ali ka namaaz me
hasnain sar ko peet ke rote hai zaar zaar
baba ko apne khoon me ghaltaan dekh kar
sehme khadi hai'n zainab-o-kulsoom dilfigaar
kufe ke sab yateem ab phir se huwe yateem
saare yateem rote hai'n kehte hai'n baar baar
shaame gharibaa'n aaj hai kufe me momino
moula tumhare gham me hai dawar bhi beqaraar