MATAM HAI QAID-E-SHAAM MEIN BINTE HUSSAIN KA, ZAINAB TADAP KE DETI HAI ABBAS KO SADA
ZAKHMI SAFAR THA CHUP RAHI HAR ZULM SEHGAYI, THI HAMSAFAR SAKINA KE HAR LAMHA TASHNAGI, PESHAY NAZAR HUSSAIN KA MAQSAD THA CHUP RAHI, IS KAM SINI MEIN THA YEH SAKINA KA HAUSLA
TARIKIYAAN HAIN AUR HAIN HAR SU UDASIYAAN, UTTHO SAKINA KEHTI HAI ROROKE BIBIYAAN, GUM HOGAYEN KHAMOSHI MEIN BIBI KI SISKIYAAN, BANO YEH KEHTI HAI MERI BETI KO KYA HUVA
MAA KHOLTI HAI BETI KI GARDAN SE REESMAA, HASRATH SE DEKHTI HAI TAMANCHAO KE BHI NASHAA, AUR KEH RAHI HAI ROOTH GAYI MUJH SE MERI JAA, ARMAAN WATAN KO JANE KA DIL HI MEIN REH GAYA
KAISA AJEEB WAQT HAI SAJJAD KYA KAREY, EK SHAMMA DASTIYAAB NAHI KIS SE KYA KAHEY, NANHI SI KHABR BANTI HAI ZINDAAN-E-SHAAM MEIN, HO GHUSL KAISE KAISE HO SAMAANN DAFN KA
KISTARHA PURI HOGI WAISYATH SAKINA KI, PAIHAM LAHOO RULATI HAI GURBATH SAKINA KI, ZAINUL ABA KE HATAON PA MAYYAT SAKINA KI, KANOU SE KHOON TAZA HAI KURTA JALA HUVA
SAJJAD KEHTEY HAIN PHUPI AMMA MAIN KYA KARU, KAISA YEH WAQT AAYA HAI MAIN KIS SE KYA KAHU, KAISE BAHAN KO CHOD KE MAIN KARBALA CHALOON, MAIN AAJ APNE BABA SE SHARMINDA HO GAYA
AAISA HAI GHAM SAKINA KA KHOO ROTA HAI QALAM, KISTARHA SE RASHEED MASAYAB HO AB RAQAM, LIKHA JO MAINEY NAUHA HAI ABBAS KA KARAM, HAR LAFZ JAISEY NAUHEY KA HAI EK MARSIYA..