maqtal me roke dukhtar e sarwar yahi'n kahi'n
baba ka apne dhoond rahi sar yahi'n kahi'n
chilla rahi hai aye mere shero jawab do aur dhoondti hai aun o mohd ke lasho'n ko
zakhmi pade hai'n dono baradar yahi'n kahi'n
qasim ki khushbu aati hai roti hai mehlaqa
awaaz de rahi hai yahiran me baarha
tukde huwa hai qasim e be-par yahi'n kahi'n
girti hai aur uth-ti hai lasho'n ke darmiya'n aur keh rahi hai'n aasnu bahakar sakina jaa'n
besar pada hai lashkar-e-sarwar yahi'n kahi'n
kaano'n se khoo'n tapakta hai kurta lahu me tar
pyaaso'n ka nouha jaari hai sukhi zubaan par
kehti hai roke hai mera asgher yahi'n kahi'n
abbas e bawafa ki usey yaad aayegi
ammu kaha'n ho kehte huwe dhoondne lagi
sheh kapada tha sheh ka baradar yahi'n kahi'n
yeh kehke dhoodne lagi wo lasha-e-pidar
sojaungi mai chain se baba ke seene par
besar pada hai lasha-e-sarwar yahi'n kahi'n