MAIN AYI HOON AMMA TERE SAB GHAR KO LUTA KAR
ZAINAB YE BAYAN KARTI THI ZEHRA KI LAHAD PAR, MAA JAYE KI GARDANPA CHALA SHUMR KA KHANJAR, BE JURM-O-QATA MARE GAYE AKBAR-O-ASGHAR, MAIN AYI HOON AMMA TERE SAB GHAR KO LUTA KAR
AMMA ALI AKBER NE SINA SEENE PA KHAI, LOOTI GAYI AMMA TERI ZAINAB KI KAMAYI, MEETHI ME MILAYI GAYI TASVEER E PAYAMBER, MAIN AYI HOON AMMA TERE SAB GHAR KO LUTA KAR
SHAADI KE GHARANE PA AJAB AAYI TABAHI, BEWA HUVI KUBRA MERI EK RAAT KI BIYAHI, PAMAL HUVA LAASHA-E-LAQT-E-DIL-E-SHABBAR, MAIN AYI HOON AMMA TERE SAB GHAR KO LUTA KAR
AMMA ALI ASGHAR NE BHI KI NUSRAT-E-SHABBIR, JHOOLE KI FAZA SE GAYA MAIDAN MEIN BE SHEER, SHASHMAHE KI GARDAN PA LAGA TEERE SITAMGAR, MAIN AYI HOON AMMA TERE SAB GHAR KO LUTA KAR
JIS WAQT JALAYA GAYA KHAIMAON KO HAMARE, SAHRA MEIN NIKAL AYE THE SAB KHAUF KE MAARE, DEKHA KIYE SHOLON MEIN GHIRA APNA BHARA GHAR, MAIN AAYI HOON AMMA TERE SAB GHAR KO LUTA KAR
BEEMAAR KE HATHON SE DAWA CHHIN GAYI AMMA, SAR SE TERI BETI KE RIDA CHHIN GAYI AMMA, BAZARON MEIN BE PARDA PHIRI AAL-E-PAYAMBAR, MAIN AYI HOON AMMA TER SAB GHAR KO LUTA KAR
WO DHOOP WO GARMI WO JHULASTE HUE KHAIME, WO DAMANAO MEIN AAG WO SAHME HUE BACHCHE, AB TAK HAI MERI AANKHON MEIN WO DARD KE MANZAR, MAIN AYI HOON AMMA TERE SAB GHAR KO LUTA KAR
LAYI HAI GHAM-O-DARD KI DUNIYA TERI BETI, KYA HAAL KAHE KARB-O-BALA KA TERI BETI, GHAM SEHNEY KO JEETI RAHI YE ZAINAB-E-MUZTAR, MAIN AYI HOON AMMA TERE SAB GHAR KO LUTA KAR
DETI HOON TUMHE AKBAR O ABBAS KA PURSA, US TASHNA DAHAN SANIYE ILYAS KA PURSA, DENE KE LIYE AAYI HOON MAIN PUSRAYE ASGAR, MAIN AYI HOON AMMA TERE SAB GHAR KO LUTA KAR
AMMA MUJHE BATLAO KE MAIN JI KE KARON KYA, NANA HAIN NA BABA HAIN NA BACHCHE HAIN NA BHAIYYA, MARNE KI DUA MAANGTI HAI ZAINAB-E-BEPAR, MAIN AYI HOON AMMA TERE SAB GHAR KO LUTA KAR..