Ae ghuncha dahan bekas dulha, Ae seeeme badan bekas dulha
mujre ke liye aayi hai utho , naashaad dulhan bekas dulha
Dunya se nayi ye shaadi hai, dono'n hi taraf barbaadi hai
shabbir ki beti bewa dulhan , aur ibne hasan bekas dulha
ye be qabari mujh se qasim, chilte hai mere pohnche qasim
khulwaado ke uljhi jaati hai , kangne me rasan bekas dulha
Hai qouf mujhe naaraz na ho, marzi hai tumhaari kya bolo
mai haath me ab kangna rakhu , ya rakhu rasan bekas dulha
hum naam hu mai bhi daadi ki, hai tum ko qasam is shaadi ki
banwaado mujhe bhi rone ko, ek baitul hazan bekas dulha
tha mujh ko tumhaare ghar chalna, laazim tha tumhei'n mil kar chalna
raste hi me mujh ko chord gaye , hai door watan bekas dulha
sab kehte hai mujh ko ab bewa, batlaao mujhe ye baat hai kya
jo log mujhi ko kehte the kal shab ko dulhan bekas dulha