ZULM HOTA HAI NAYA DEKHO YAHA AYE ABBAS, HAI WO ZAINAB KI NIGAHAO MEIN DHUWA AYE ABBAS
EK LAMHE KI DULHAN BEWA BANI HAI BAN MEIN, GHAM SIWA HOTA HAI HO AAP KAHA AYE ABBAS
LAILA PHIR CHAND SE CHEHRE KO KAHA PAYEGI, YAAD AATI HAI MUJHE USS KI AZAAN AYE ABBAS
YAAD TADPATI HAI HAR PAL JAWAN AKBAR KI MUJHE, DIL KI DHADKAN MEIN HAI WO DARD PINHAA AYE ABBAS
PAANI KE BADLE MILA TEER-E-SITAM ASGHAR KO, PHIR NA KHOLEGA KOI APNI ZUBAAN AYE ABBAS
PHOOL SE GAAL TAMACHHOY SE HUE HAI NEELE, HAR SITAM PAR HAIN SAKINA KI FUGA AYE ABBAS
KHAT JO SUGRA KA MILA AAINE SHAHADAT SHEH KO, YAADE SUGRA MEIN THE BUS AANSOO RAWAAN AYE ABBAS
AAP KE BAAD SITAM ASHQHIYA WO DHATE HAIN, AAJ MEHSHAR SE BHI BADHKAR HAIN SAMAA AYE ABBAS
LAB KO JUMBISH THI SHAHE WALA KO BHAI KE LIYE, YAAD KARTE THE SHAHE KOUN-O-MAKAAN AYE ABBAS
WAADA EK MAA NE KIYA THA JO KABHI TIIFHLI MAIN, AAYI ZEHRA KI SADA AAGAYI MAA AYE ABBAS
SHUMR AB PYAASE GALE PAR HAI CHALATA KHANJAR, CHHODKAR BHAI KO HOO AAP KAHA AYE ABBAS
HAYE WO SHAM-E-GHAREEBA WO QAYAMAT KI GHADI, JALTE KHAIMOU SE WO UTHTA THA DHUWAA AYE ABBAS
YEHI KOOFA HAI JO THA SHAAN-E-ARAB HYDER KA, NANGE SAR BIBIYAN AAYI HAIN YAHA AYE ABBAS
HAYE BIMAAR RAHE TAUQ-O-SALASIL KA AASIR, DARD-E-DIL BANGAYE ZAKHMOU KE BAYYAN AYE ABBAS
SHAAM KE DAAL KE MAJLIS KI BINA ZAINAB NE, SAATH MEIN LAYI WATAN HAQ KE NISHA AYE ABBAS
MUMTAYEE HOKE WAHANHONGEY MERE BHAI WAHAN, TANHA SUGRA HAI MADINE YAHAN AYE ABBAS
ZIKRE ZAINAB KE SABAB DEEN BACHA HAI IQBAL, HAQ O BATIL MEIN KIYA FARQ-E-AYAAN AYE ABBAS..