haaye mere moula ki ghurbat
haaye mere mazloom hussain
bekas tanha shaah e shahadat
haaye mere mazloom hussain
garm hawaye'n pyaas ki shiddat
haaye mere mazloom hussain
ansarou'n ke daagh uthaye
ruqsat ke jab lamhe aaye
khaime me aaye sar ko jhukaye
dekha behen ko ashk bahaye
saani e zehra se li ruqsat
ha aye mere mazloom hussain
haaye mere moula ki ghurbat
haaye mere mazloom hussain
yaad aayi akber ki jawani
asgher ki wo tashna dahani
qasim ke lashe ki ghurbat
haaye mere mazloom hussain
boli behen jaate ho bhai
kaise jiye ab ye majayi
haaye ghata kya zulm ki chhayi
khaliq e akber teri duhayi
girya behen ka sheh ki wo riqqat
haaye mere mazloom hussain
haaye mere moula ki ghurbat
haaye mere mazloom hussain
seene par soti thi dukhtar
thi dam e ruqsat behad muztar
haaye wo beti ki chahat
haaye mere mazloom hussain
haatho'n ko jode aayi sakina
boli ye hasrat se wo dukhiya
aakhri baar sulaalo baba phir na milega aap ka seena
lete zamee'n par sarwar e jannat
haaye mere mazloom hussain
haaye mere moula ki ghurbat
haaye mere mazloom hussain
gird e shahe dee'n zulm ka ghera aur wo bekas tanha tanha
dushman foujo'n ki wo kasrat
haaye mere mazloom hussain
maida'n me lakho'n ka lashakr
tanha pyaasa sibte payambar phir bhi lada maanind e hyder
sher e khuda ka laal ghazanfar
ranj o alam wo aur wo himmat
haaye mere mazloom hussain
haaye mere moula ki ghurbat
haaye mere mazloom hussain
moula ka shaidayi nahi tha
quwwat e bazu bhai nahi tha
koi na tha karta jo khidmat
haaye mere mazloom hussain
moula ne jab tegh ko roka
milke kiya aada ne hamla
aaye zamnee'n par zeen se aaqa
jism-e-muztar teero'n pe tehra
rakhi jabee'n sajde me ba diqqat
haaye mere mazloom hussain
haaye mere moula ki ghurbat
haaye mere mazloom hussain