Abbas se kehti thi ye fouje sitam aara darya hai hamara
Behtar hai agar aap kare’n isse kanaara darya hai hamara
Aane ki yaha’n shaam ke hakim ki qabar hai , sab zero zabar hai
Kal sub'ha se ghir jaaega maidaan ye saara - darya hai hamara
Ye sunte hi Abbas ke abru pa bal aaya, Badhkar ye sunaaya
Hargiz nahi’n tum logo’n ka kuch is me ijaara - darya hai hamara
Pyaase rahe maidaan me waa’n sibte payambar, sehraab ho Lashkar
Ek dam me ulat doonga safo ko sitam aara - darya hai hamara
Lashkar ko hata kar ye sada sher ki aayi , kis ki hai taraayi
Batlaao ke qabze me hai ab kiske kanaara- darya hai hamara
Zainab ne kaha shaah se ghabraati hu bhai , hoe na ladaai
Le aayiye abbas ko ye kehke khudaara - darya hai hamara
Jaakar kaha shabbir ne Aabbse dilaawar, kyu hote ho muztar
Mere liye har cheez ko qaaliq ne utaara - darya hai hamara
Be deeno’n ki in baato’n ke qaatir me na laao, ghusse me na aao
Ham wo hai diya nooh ki kashti ko sahaara - darya hai hamara
Mar kar bhi na bhoolunga saf aaraai ko teri saqqai ko teri
Hai tere muqaddar me azal se ye kanaara - darya hai hamara
Daswi ki moharram ko qayamat hui bismil, Ro dete the qaatil
Saahil pa kate haath jo karte the ishaara - darya hai hamara