Akbar.. kadiyal jawaan akbar..(2)
kadiyal jawa'n ka laasha khaime mein aa raha hai..(2)
laila ka shor e girya..(2)
mehshar utha raha hai
kadiyal jawa'n ka laasha khaime mein aa raha hai..(2)
1. Paywast hogaya hai seene mein phal sina ka..(2)
haatho se zakhm e naiza..(2)
akbar chupa raha hai
kadiyal jawa'n ka laasha..
2. Zakhm e sina ki eeza akbar jawa'n se pucho..(2)
reh reh ke ya ali ka..(2)
naara laga raha hai
kadiyal jawa'n ka laasha..
3. Ankho se khul na jaye zakhm e sina ki shiddat..(2)
so yu padar se akbar..(2)
aankhein chupa raha hai
kadiyal jawa'n ka laasha..
4. Uth-ti nahi hai mayyat akbar ki shahe dee'n se..(2)
tharra rahe hai baazu..(2) aur zof cha raha hai
kadiyal jawa'n ka laasha..
5. Attharwa baras tha shaadi ka zamana..(2)
afsos aisi rutt mein..(2)
duniya se jaa raha hai
kadiyal jawa'n ka laasha..
6. Khaime mein shahedee'n ke barpa hai ek mehshar..(2)
marne ko rann mein akbar..(2)
khaime se jaa raha hai
kadiyal jawa'n ka laasha..
7. Nauhe suna raha hai safdar jo majliso mein..(2)
roshan wo is amal se..(2)
jannat kama raha hai
kadiyal jawa'n ka laasha..