Aye Jaun Bhai Ho Tum Mere
Abbas as Ki Kasam Tumhain Lag Jao Na Galay
1. Baba Bhi Aye Hain Mere Nana Bhi Aye Hain
Chehray Ka Noor Dekhiye Musa Bhi Aye Hain
Yousuf Kharay Huye Hain Ziyarat Ke Waste
Aye Jaun Bhai Ho Tum Mere
2. Tujh Ko Duayein Aaj Se Degi Dua-e-Noor
Khushboo Tere Paseenay Ki Phelay Gi Dur Dur
Mil Jaye Ga Lahu Tera Khoon-e-Hussain Se
Aye Jaun Bhai Ho Tum Mere
3. Ahl-e-Haram Ko Tum Se Dharas Mere Delar
Pehra Do Phir Khayam Ka Utho Aye Mere Sher
Keun Ja Rahe Ho Tum Mujhay Ghurbat Main Chor Ke
Aye Jaun Bhai Ho Tum Mere
4. Karna Dua Hussain (as) Pe Asa Na Waqt Aye
Koi Sada Dy Hum Ko Aur Hum Se Chala Na Jaye
Lasha Tumhara Dhasht Se Hum Khud Uthainge
Aye Jaun Bhai Ho Tum Mere
5. Ahista Kehna Saqqi-e-Kausar Se Mera Haal
Rakhti Thi Meri Peas Ka Amma Bohat Khayal
Ghurbat Na Ho Bayan Meri Amma Ke Samne
Aye Jaun Bhai Ho Tum Mere
6. Aye Hain Zakhm Tum Ko Meri Jaan Kahan Kahan
In Zalimon Ny Mari Hain Seenay Pe Barchiyan
Shabbir Kis Tarha Se Tumhare Galay Lagay
Aye Jaun Bhai Ho Tum Mere
7. Tou Ny Gala Kataya Hai Pehle Hussain (as) Se
Dilwainge Jaza Woh Shahe Mashriqain Se
Chadar Utha Ke Deti Hai Amma Dua Tujhay
Aye Jaun Bhai Ho Tum Mere
8. Seenay Laga Ke Kehne Laga Ibn-e-Fatima
Khushboo Se Teri Mehkee Gi Ta Hashr Karbala
Bou Hai Tere Paseenay Main Kis Ny Kaha Tujhay
Aye Jaun Bhai Ho Tum Mere
9. Jaldi Thi Dekho Jaun Ko Sajjad Kis Qadar
Dhaal Aur Zira Ko Phenk Ke Seena Kiya Sipar
Jis Dum Suna Hussain alaihis salaam se
Aye Jaun Bhai Ho Tum Mere