Sajjad Ka Gala Hai
Touqe garaa'n me jakda Sajjad ka gala hai
Har gaam per jafa hai beemare karbala hai
Baba ki laash ran me pamaal hogaee hai
Bete pa ya ilahi ye kaisi bebasi hai
Laashe pa sar jhukaye aansu baha raha hai
Kufe ko qafela ab jata hai qaidiyon ka
Pursaa(N) koi nahi hai Zahra ki betiyon ka
Sajjad e natawaN hi ab meer e qafela hai
Naqay se gir gaee hai seene pa sone wali
Naize pe ruk gaee hai kyun Shaah ki sawari
Koday laga k zalim Abid se poochta hai
kantoun pa khainchte hain beemar o natawaN ko
Zanjeer khooN se likhti hai gham ki dastaaN ko
Abid ki bekasi per dil khoon ro raha hai
Maa, behnoun k Phupi k sar per rida nahi hai
Phailaye paaoun baitha darbar me laeeN hai
Kursi nasheeN hain har su aur Aale Mustafa hai
Baba ko yad kar k lo chal basi Sakina
Armaa to thay bohot per ja na saki madina
Daaghe judai dil per bhai k ye naya hai
Zindaan me bahen ko dafna raha hai bhai
Milne chali pidar se seene pa sone wali
Saidaniyoun me isdam kaohram ek bapa hai
Bhai se apne aksar kahti thi ye Sakina
Thandi jagah pa mujhko ay bhai dafn karna
Gham iska qalbe Abid ko khooN rula raha hai
Hai aarzu k moula karbo bala bulain
Sajjad ki lahad per bhi ashke gham bahain
Lab per yehi Aqeel aur Farhan k dua hai